تنضيف وتنظيم الحمام بالصور

**فنانه المستقبل** الخميس نوفمبر 29, 2012 5:15 pm

تنضيف وتنظيم الحمام بالصور
لازم كل ست تهتم بنضافة حمامهما بشكل يومي
وبشكل اسبوعي
وبشكل شهري
طبعا احنا عشان ننضف الحمام بشكل شهري
بنفضي الحمام كله من اي حاجة من ادوات تنضيف لادوات نضافة لفوط لاي حاجة
وبناخد الحمام من فوق لتحت
بندعكها دعكا مبرحا حتى يستغيث
وبنمسك كل الحيطان وبننضفها
وبنهتم
جدا بالزخانيق والفروق اللي بين السيراميك انها تكون نضيفة وزي الفل ودا
بيكون باستخدم المنظفات الخاصة بكده زي فلاش وهاربيك والمنظفات التابعة
لبعض الشركات زي ماي واي
واي منظف عشان تشوفي نتيجته لازم بتسيبيه فترة لا تقل عن نص ساعة ولكأنك يعني نقعها زي ما بتنقعي الغسيل او حلة محروقة او غيره
والحمام بيكون بكل عام عبارة عن
حيطان
حوض
بانيو(مش الكل عنده بانيو)
وقاعدة او مرحاض _اعزنا واعزكم الله)
والحنفيات او ما يطلق عليه خلاطات

اولا: الحيطان
دي بتتنضف بفرشاة البلاط عادي بشوية صابون سايل وكلور وماية
طبعا الحيطان اللي مافيهاش سيراميك ومدهونة برضو لازم تتنضف عشان بتكون رطوبة بتكون لونها اسود فلازم تتنضف زيها زي السيراميك بالظبط
دي الحيطة اللي فيها سيراميك

تنضيف وتنظيم الحمام بالصور %25D8%25AD%25D9%258A%25D8%25B7%25D8%25A9+%25D8%25A7%25D9%2584%25D8%25AD%25D9%2585%25D8%25A7%25D9%2585

ودي اللي مدهونة

تنضيف وتنظيم الحمام بالصور %25D8%25AD%25D9%258A%25D8%25B7%25D8%25A9+2

ثانيا:الحوض

طبعا لازم بشكل يومي يتنضف وبرضو تنضيفه مش صعب شوية صابون سايل وماية وكلور وبالليفة او الاسكوتش وبتنضفيه
ممنوع استخدام السلك الالومنيا لانها بتجرح الحوض وبالتالي بيبان فيها الوسخ اكتر
ثالثا:البانيو
نفس الكلام في التنضيف
وما ننساش نضافة الستارة بتاعة البانيو
والناس
اللي معندهاش ستارة البانيو انصحها بشراء ستارة للبانيو يكون لونها متنساق
مع فرش الحمام اذا كان دواسة او ستارة للحمام لان بيدي الحمام شكل متميز
وجميل

تنضيف وتنظيم الحمام بالصور %25D8%25A8%25D8%25A7%25D9%2586%25D9%258A%25D9%2588+%25D9%2582%25D8%25B5%25D9%258A%25D8%25B1

تنضيف وتنظيم الحمام بالصور %25D8%25A8%25D8%25A7%25D9%2586%25D9%258A%25D9%2588

تنضيف وتنظيم الحمام بالصور %25D8%25B3%25D8%25AA%25D8%25A7%25D8%25B1%25D8%25A9+4

تنضيف وتنظيم الحمام بالصور %25D8%25B3%25D8%25AA%25D8%25A7%25D8%25B1%25D8%25A9

تنضيف وتنظيم الحمام بالصور %25D8%25B3%25D8%25AA%25D8%25A7%25D8%25B1%25D8%25A9+2

تنضيف وتنظيم الحمام بالصور %25D8%25B3%25D8%25AA%25D8%25A7%25D8%25B1%25D8%25A9+3

رابعا:الحنفيات
تنضيف حنفيات الحوض

تنضيف وتنظيم الحمام بالصور %25D8%25A7%25D9%2584%25D8%25AD%25D9%2586%25D9%2581%25D9%258A%25D8%25A9

او حنفية الدش

تنضيف وتنظيم الحمام بالصور %25D8%25AD%25D9%2586%25D9%2581%25D9%258A%25D8%25A9+%25D8%25A7%25D9%2584%25D8%25AF%25D8%25B4

مش محتاجة اي افتكاسات او وصفات او خلطات بالفرشاة الصغيرة او الليفة بس من غير سلك مع الدعك وشوية صابون سايل بترجع زي الفل

واخيييييرا: القاعدة او المرحاض _اعزكم الله_

كلنا بيكون نفسنا نمسك القاعدة دي ننقعها في البانيو بالشكل ده في كلور خام عشان تنضف

طبعا في ناس مش نضاف مش بينضفوا القاعدة دي نهاائي وستات بيوت واحنا شوفنا كلامهم هنا في القسم
تحت مسمى انهم بيقرفوا يع
طب اللي بيقرف هيطيق يقعد يعمل بي بي في قاعدة زي كده ويكون السيفون بتاعها زفت كده ازااااي؟

سوري لو كنت قرفتكم
بس لازم نشوف الحلو والوحش عشان نحمد ربنا على نعمة النضافة
لازم نحاول بقدر الامكان اننا نهتم بنضافة القاعدة داخليا وخارجيا
واللي بتقرف او ما بتقرفش واااااحد
لازم نتبع الاتي
نلبس جوانتي
نشد السيفون ونكب ماية مرة واتنين وعشرة عشان ننضف القاعدة دي من جوا ومن برة
وكمان ننضف الغطا بتاع القاعدة ساعات ناس بتهمل نضافة الغطا دا وبتسيبه بالشهور وبتنضفه في الاعياد
كمان قاع القاعدة لازم ننضفه من حمض البوليك المترسب فيه
اللي بنقول عليه طول موجود وناشف وبنسيبه
لا دا ناتج عن قلة نضافته
وبيتشال
ازاي؟
هتنشفي
القاعدة من جوة من اي ماية عن طريق قطع قماش مانتيش عاوزاها هتشربي
القامشة دي المية وترميها بعد كده لو انتي قرفانة منها وبعدين هتجيبي فلاش
او هاربيك زي ما عضوة قالت انه ممتاز وهتحطي فلاش دا من بالليل للصبح
هتصحي الصبح تشدي السيفون هتلاقي الطوب دا بقى رمل وهتنضفيها بعد كده عادي بالفرجون ودا اللي عندهم تكلسات في قاع المرحاض
وباذن الله هتلاقيها زي الفل من جوا كده

نيجي لمرحلة المحافظة على نضافة القاعدة
لازم كل يوم تتنضف من برة بالليف عادي
ومن جوا بالفرجون والصابون السايل ووشوية كلور عشان ما يحصلش ترسبات

ولازم
بعد كل بي بي نعلم اهل البيت كبار وصغار شد السيفون حتى لو اضطريتي تعلقي
يافطة بكده او تدخلي وراهم وتقولي مرة واتنين عشان يتعلموا ثقافة شد
السيفون زي ما اتعلموا التشطيف بعد البي بي

تنظيم الحمام وترتيبه
اللي بيبين نضافة الحمام نظامه وترتيبه
وكمان لمساتك فيه بايديكي الطاهرة الغالية

ادوات النضافة الشخصية
ويجب ان يكون دائما الحمام منظم وادواته نضيفة
زي ادوات الحمام بتاعة نضافتنا الشخصية زي الليف وفرش الاسنان
وتلميع
ازايز الشامبو والبلسم وعلب الكريم من الخارج كل اسبوع لان بيتكون عليها
بعض الاتربه وكمان مع بخار الماية بتكون سطح العلب مش نضيفة
وكمان لازم نجمعها بشكل منظم ماتكونش بالمنظر ده متنطورة ع البانيو او في كل حتة حاجة

وعشان تاخدي شاور تفضلي تلفي وتدوري جوا الحمام وتلعبي لعبة دوخيني يا لمونة وعشان ترجعي كل حاجة مكانة تاخد وقت معاكي
لازم تكون ادوات النضافة الشخصية او الاستحمام تكون ملمومة في سبت واحد ع الاقل ودي ابسط حاجة

او ممكن تستخدمي الرشاقة الكورنر بلاستيك او استنلس

تنضيف وتنظيم الحمام بالصور Toothbrush-Organizers

تنضيف وتنظيم الحمام بالصور 1015HO_Bath_BBB1

تنضيف وتنظيم الحمام بالصور Shower-organizer_300

في ناس بتحط الفوط في الحمام ودا بيكون اساسي عندها
وناس بتاخد فوطتها وقت ما بتدخل تستحمى وخلاص
عادي كل واحد على حسب نظام حمامه
بس من المهم ان فوط تنشيفك الشخصية بعد كل تواليت تكون في الحمام بنظام وشياكة
وكمان رص الفوط برضو يكون منظم هتطبقيها عادي او رول

تنضيف وتنظيم الحمام بالصور %25D9%2581%25D9%2588%25D8%25B7+2

تنضيف وتنظيم الحمام بالصور %25D9%2581%25D9%2588%25D8%25B7+1

كل واحد ينام ع الجنب اللي يريحه
لازم الفوطة تستخدم بشكل يومي يعني مش اطلع فوطة واستخدمها اسبوع ولما تتبل اروح انشرها في المنشر غلط واكبر غلط
الفوطة اتبلت اه اهويها عشان احطها بسبت الغسيل واليوم التاني اطلع فوطة نضيفة
اومال ماما مشورانا بفوط كتيرة ليه (كانت هتدخل بيهم مسابقة )؟!
كمان مسألة الحمام صغير اوي كبير دي بقت واحدة
يعني حمامك صغير لازم يكون منظم ونضيف

تنضيف وتنظيم الحمام بالصور 438444137_d336e15710

واللي حمامها كبير نفس النظام
تنضيف الحمام مش بياخد وقت بس لازم نركز على كل حتة فيه
طبعا مسألة تعطير الحمام
زي ما تحبي عطريه بخريه بس ما اعتقدش بعد جو النضافة ده هيكون ريحته وحشة دا كفاية ريحة النضافة احلى من اي ريحة
كفاية انك تدخلي تاخدي شاور وترطبي جسمك وتخرجي تلاقي الحمام بعدها ريحته واو
كفاية
انك تعملي بخاخة صغيرة فيها شوية ماية ورد على زيت ورد على مسك مبشور وبعد
كل بي بي ترشي المنطقة بتاعتك وتنشفيها هتلاقي الحمام وانتي ريحتكم زي
الفل لمجرد نضافتك انتي بس
طبعا فرش الحمام دا حرية شخصية

تنضيف وتنظيم الحمام بالصور RubADubRug_0111

بس دا بيدي للحمام شكل جميل ومريح
بس لااااازم دايما يكون الحمااااام نااااااااشف نااااااشف ومتهوووووووي
وخصوصا في الشتا
وخصوصا اللي عندها اطفال بيكونوا لابسين شرابات في البيت ولما بيدخلوا الحمام بينسوا يلبسوا الشبشب وبيدخلوا جري ع الحمام
وما ننساش البوتي او التوتة ونضافتها من ضمن نضافة الحمام مادام جبنا سيرة الاطفال

كمان وضع باسكت في الحمام دي برضو على حسب حريتك ونظرتك لحمامك

تنضيف وتنظيم الحمام بالصور 1015HO_Bath_Empire

دي كلها حمامات صغيرة شوفوا اد ايه منظمة وجميلة

تنضيف وتنظيم الحمام بالصور 425222-49428-46

تنضيف وتنظيم الحمام بالصور Bathroom-too-small

تنضيف وتنظيم الحمام بالصور 2364485843_f717c77f25

تنضيف وتنظيم الحمام بالصور 3064253156_bd3b6fbda2

وما ننساش نضافة المرايات وتلميعها بملمع الزجاج هي واللمبة ومفاتيح الكهربا بس لازم نفصل الكهربا

تنضيف وتنظيم الحمام بالصور Bathroom_pic4

تنضيف وتنظيم الحمام بالصور Tips-For-Small-Bathroom-Design-01

تنضيف وتنظيم الحمام بالصور Small-bathroom-224x300

تنضيف وتنظيم الحمام بالصور Small-bathrooms-2

تنضيف وتنظيم الحمام بالصور Lens4511482_1242506595bathroom-decor-idea

نفسي اعرف بيعملوا البي بي فين في الصورتين دوووووووووول
بتعملوها فييييييين يا ظلمه فكروني بفيلم اتش دبور

تنضيف وتنظيم الحمام بالصور 406884_163377933763797_100002747737067_193892_98342667_n

تنضيف وتنظيم الحمام بالصور Inax-small-bath-01

فيييين القاعدة نفسي اعرف
بيتصرفوا ورا باب الحمام؟

تنضيف وتنظيم الحمام بالصور Small-bath-01

شايفين الحمام دا ياعيني صغير اووووووي
وفي كمان اصغر منه
يعني
سوري تلاقي اللي يقعد ع القاعدة ما ينفعش الباب يتقفل عليه يا دوب يقعد
وتلت تربعه بره الحمام يعني يكون قاعدفي الحمام وفي نفس الوقت مع الناس
اللي قاعدين في الاوضة اللي في وش الحمام ويتفرج ع التي في عادي معاهم

تنضيف وتنظيم الحمام بالصور Small-bathroom

سخان الماية
لازم يتنضف من فوق وتحت كويس جداااااا

تنضيف وتنظيم الحمام بالصور %25D8%25B3%25D8%25AE%25D8%25A7%25D9%2586

باب الحمام
طبعا لازم باب الحمام يتنضف ويتغسل ويتنشف كويس
وكمان ما يتعلقش ورا باب الحمام هدوم كتيرة
وبلاش برضو قمصان النوم اللي بتتعلق ورا باب الحمام
مادام مش نضيف يتحط في سبت الغسيل عشان لو حد غريب دخل الحمام فجأة
او لو عندك عيال كبار برضو ما يصحش يشوفوا الحاجات دي

اوكرة الباب لازم تنضف كويس وتتعقم من حين لاخر

تنضيف وتنظيم الحمام بالصور %25D9%2585%25D9%2582%25D8%25A8%25D8%25B6+%25D8%25A7%25D9%2584%25D8%25A8%25D8%25A7%25D8%25A8

ولسهولة تعقيم الحمام بشكل مستمر
تعملي بخاخة فيها ماية وكلور وديتول بكميات متساوية وترشي وتمسحي بفوطة او مناديل الحمام الرول